読者です 読者をやめる 読者になる 読者になる

Eden Hall II

旅行&LIVE REPORT&たまたま独り言。いみのない涙は一つもない。

乘搭廉航也有相應的代價

一言

我知道有其他作者都有寫過呢個「話題」

但我實在係不能再忍呢種有奇特發言講嘢唔經大腦嘅乘客

所以我要好難得咁用廣東話寫文章

 

呢種情況往往係回程嘅時候,每班機好似都總會有一個咁嘅人

 

事件一

一家三口上到機,爸爸見行李架竟然full左,郁人地啲行李,係直頭想拎落黎

個仔叫佢唔好搞人啲嘢,咁啱服務員黎到,爸爸坐定定同個服務員講:

你幫我搬走上面啲嘢佢,呢個位係我架

先生,我想講,啱,你無錯你係買左你坐緊個位,

但唔係買左個行李架喎,唔通你會話我知你準備坐行李架?

自己遲過人上機無位擺嘢真係無得好怨

因為你係搭緊廉航,係細機,邊得黎有咁多位俾你呢啲旅遊放血大客仔擺嘢呀

一係你就唔好貪平搭廉航

OK fine唔擺上去佢擺個袋係地下,唔係前座座位下面係喺中間揾對腳夾住

個服務員又行埋黎同佢講,講到單腳跪係到同個爸爸講道理

先生你要放入啲個袋喎

「我而家上面無位擺係要放呢到架啦總之我就要放呢到」

個服務員講左一大堆唔好意思令你咁狼狽嘅説話之後好鄭重咁同個爸爸講

「你放係中間,而家係無問題

但要逃生嘅時候,係會阻到坐係入面嘅老婆同仔仔,安全起見係要放落櫈底」

我真係佩服呢個男服務員態度好而且係有道理而唔係一味同你講規矩上要咁咁咁做

雖然個爸爸點都係唔忿氣架喇希望下次搭廉航見唔到你啦

 

另一件係尋日返香港個陣 (應該話我打呢篇文時坐緊嘅呢班機)

係好多人都一抽二能嘅時候

個日本空姐好辛苦咁執左個位俾21排嘅兩個日本人放個suitcase上去

緊係啦唔通叫人將個suitcase放櫈底咩

佢地已經有一個長嘅運動手提袋要被迫放係放唔落嘅櫈底

好啦然後22排個情侶黎到見到又無位

問個兩個日本人係咪佢地放左,跟住好大牌咁指住個no.話呢個係22號位喎

咁因為溝通唔到日本人就坐返低啦

而情侶男就恃住佢地聽唔明係咁鬧佢地坐21排擺到去22排

先生,如果你真係要鬧,就係鬧哂21排之前嘅乘客

戰利品太多所以日本人要擺去「你個位」

一係就鬧個啲唔守規矩,兩袋上機變三袋個啲大客擺q哂啲位

我前面個三個姐姐擺左格半行李架仲要袋袋都係巨型系列死未

 

廉航坐咩機大家有眼睇,既然搭廉航又要無止境掃貨

就唔好埋怨上機無位擺行李,你付出幾多咪有幾多囉

你可以買哂成行位唔俾人坐,咪成個行李架都係你架囉

香港人成日話強國人點點點,唔通我地唔係五十步笑百步?

 

有平嘢真係要買到咁?用得著?用哂啲盤川滿足啲?

我已經過左個段興奮高潮期,理解唔到

我只係想講其實真係好誇張。係機場睇,你有寄倉都還好

嘩你嗰兩個hand carry就黎大過個gip係咩料

仲要喎過完海關去免稅店再!黎!過!

我見到呢啲人真係好驚

當然啦對佢地黎講我都係異類,邊有人去日本一個背包一個手提袋仔就搞掂

我呢啲係其他人眼中都係浪費金錢嘅小孩,不過有咩所謂?

我唔洗你理解我,但至少我無阻住人先囉

 

好努力生左呢篇文出黎之後,真係要飲返杯抖抖

f:id:tezuka921:20160115182744j:plain